Plantun de Prouvènço

Pèr coumpara dos planto d'encò nostre

Lemna minor & Oenothera villosa

Lentiho-d'aigo

Lemna minor

Araceae Lemnaceae

Àutri noum : Lentihoun, Nadoun, Pampaieto, Tirounado.

Noms en français : Petite lentille d'eau, Petite Lenticule.

Descripcioun :
La pichoto lentiho-d'aigo fai de foundo verdo claro que floton sus l'aigo de 1,5 à 4 mm (emé un rapport 1,1 < L/l < 1,4) groupado pèr 2 à 8.

Usanço :
Li lentiho-d'aigo se manjon à la sartan coume un liume. En Poulougno, fin qu'à la debuto dóu siècle XXen, èron boulido e pièi cuecho emé de burre o de crèmo emé d'iòu.

Port : Erbo
Taio : 1,5 à 4 mm
Fueio : basalo
Tipe bioulougico : Idroufite
Cicle bioulougico : Planto renadivo

Gènre : Lemna
Famiho : Araceae
Famiho classico : Lemnaceae

Ordre : Alismatales

Coulour de la flour : Verdo
Petalo : ges
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun
Jun à setèmbre

Liò : Aigo - Ribiero
Estànci : Termoumediterran à Mountagnard
Couroulougi : Subrecousmoupoulito
Ref. sc. : Lemna minor L., 1753

Rougeto(-peludo)

Oenothera villosa

Onagraceae

Autre noum : Erbo-dis-ase.

Nom en français : Onagre velue.

Descripcioun :
Aquest Oenothera èi di mai coumun dins la valado dóu Rose. La planto èi grando, pelouso e picoutado de rouge (péu glandoulous - fotò) sus la cambo. Li sepalo soun pas rouge, bèn verdo emé gaire o pas de péu glandoulous rouge. Li flour soun souvènt pas gaire duberto.

Usanço :
Li rougeto nous vènon d'Americo dóu Nord. Se manjon, li racino (cuecho), li fueio (coume d'espinard), li flour (en ensalado) emai peréu li grano que dounon d'òli richo en oumega-3. Li racino de rougeto soun vertuouso contro lou mau de vèntre.